- Advertisement -
Un home faleceu este mércores no concello de Navia de Suarna debido a un accidente mentres cortaba árbores no monte.
Segundo informou a Axencia Galega de Emerxencias (Axega), pasadas as 18.30 horas da tarde, o 112 Galicia era informado de que unha persoa sufrira un percance e podería necesitar un traslado de urxencia.
O persoal sanitario dispuxo do helicóptero medicalizado con base en Ourense, que foi desprazado ata o centro de saúde de Navia de Suarna. Mentres, o Centro Integrado de Atención de Emerxencias mobilizou aos axentes da Garda Civil.
Por desgraza, e malia os intentos de reanimación, os facultativos tan só puideron confirmar o falecemento desta persoa.
