A Deputación de Lugo decidiu suspender as visitas e saídas nas residencias da Fonsagrada e Pol, que dependen da institución provincial e que se atopan fóra do distrito sanitario da Mariña, “como medida preventiva” ante a evolución do rebrote.
Ambos os centros atopábanse aplicando as medidas da fase 2 desde o pasado 25 de xuño e as de Ribadeo e Trabada estaban pechadas a persoal externo e non se permitían xa saídas.
O presidente da Deputación, José Tomé Roca, indicou a través dun comunicado que a medida pretende adiantarse ás disposicións da Xunta para o control da propagación do virus nas zonas próximas á Mariña.
Para “reforzar a prevención e minimizar o risco de contaxio”, farase unha desinfección integral das instalacións deste catro centros. A Deputación, defendeu Tomé Roca, aplica “as máximas medidas de prevención” para evitar contaxios, en especial nas residencias, posto que os seus usuarios “son as persoas máis vulnerables ante a COVID-19”.
