- Advertisement -
A Policía Local de Lugo auxiliou un neno de sete anos que se atopaba perdido tras saír de casa por descoido das persoas que o estaban atendendo mentres a súa nai traballaba.
Segundo relatou a Policía Local de Lugo, os axentes atoparon o pasado 15 de xuño, sobre as 10:30 horas da mañá, un neno perdido na rúa das Fontes. O menor díxolles que saíra da súa casa e que ía buscar á súa nai.
Unha vez localizada a nai, esta manifestou que o neno quedara a cargo dunhas compañeiras de piso mentres que ela traballaba. O cativo menor ausentouse “por un descoido”, sinalaron as mesmas fontes. Finalmente o neno quedou en custodia da súa nai, destacou a Policía Local, “sen que se producise outra novidade”.
