InicioSociedadeDetido por agredir sexualmente a unha muller no pavillón habilitado en Lugo...

Detido por agredir sexualmente a unha muller no pavillón habilitado en Lugo para as persoas sen fogar

Agresor e vítima convivían neste espazo durante o estado de alarma. A muller puxo os feitos en coñecemento dos membros da Cruz Vermella ao ver que a actitude de acoso do home non remitía.

PUBLICADA O

- Advertisement -

Axentes da Policía Nacional de Lugo detiveron un home de 64 anos por un delito de agresión sexual e acoso. O home e a vítima residen no Pavillón Municipal habilitado para as persoas ‘sen teito’ durante o estado de alarma pola crise da COVID-19.

Segundo relatou a Policía Nacional, na tarde deste martes recibiuse unha chamada na sala do 091 da Comisaría da Policía Nacional de Lugo para avisar de que unha muller que reside no albergue habilitado fora acosada por outro usuario deste servizo municipal.

Funcionarios de Radiopatrullas verificaron os feitos narrados pola vítima, que supostamente “sufrira tocamentos por parte do agresor nas súas partes eróxenas”, pero nun principio non quixera dicir nada aos membros da Cruz Vermella. Con todo, “como o agresor continuaba acosándoa con propostas e actos de tipo sexual”, a muller decidiu poñelo en coñecemento dos responsables.

Deste xeito, foron membros da Cruz Vermella quen requiriron a presenza policial, que levou á detención do home e ao seu traslado a dependencias policiais para tramitar o atestado. Este remitirase este mércores á autoridade xudicial, a cuxa disposición será posto o detido.

ÚLTIMAS

Seguen hospitalizados 3 dos 6 intoxicados con deterxente nunha pulpería de Lugo durante o San Froilán

Tres das seis persoas que tiveron que ser ingresadas a pasada fin de semana...

Ratifican sete meses de cárcere para unha nai de Lugo que impediu visitas ao seu fillo por parte dos avós

O Tribunal Supremo confirmou a condena a unha muller de Lugo por un delito...

Finalizan as obras para mellorar o sistema de saneamento do Cebreiro

A Confederación Hidrográfica do Miño-Sil (CHMS), organismo autónomo dependente do Ministerio para a Transición...

Aprobada a licenza urbanística para ampliar as instalacións da protectora de animais

O Concello de Lugo completou este mércores o proceso administrativo necesario para legalizar e ampliar as...