- Advertisement -
A Policía Local de Lugo detivo a un home de 33 anos na súa vivenda despois de que se resistise a abandonar o seu piso por unha orde de desafiuzamento.
Os axentes chegaron á súa vivenda, situada na Rúa Bolaño Rivadeneira, sobre as 10:00 horas do 12 de marzo. Alí comunicáronlle que tiñan unha orde de desafiuzamento e déronlle unha copia do Auto Xudicial para que o lese.
Segundo este grupo policial, o home manifestou en reiteradas ocasións que non ía abandonar a vivenda e por este feito os axentes acusárono dun delito de desobediencia e resistencia grave á autoridade. Despois detivérono e trasladárono a dependencias policiais, onde se instrúen as dilixencias oportunas para o xulgado de garda.
