As alumnas da USC acudirán a clase este xoves, día 30, vestidas con indumentaria masculina para renderlle homenaxe á escritora Concepción Arenal no bicentenario do seu nacemento. Esta ferrolá fora a primeira muller en asistir a unha universidade española, pero tivera que facerse pasar por un home para entrar na clase.
En Lugo, varios centros universitarios sumaranse aos actos de conmemoración da figura de Concepción Arenal, precursora do feminismo. Así, na Facultade de Formación do Profesorado darase lectura a unha antoloxía de afirmacións extraídas do texto que Concepción Arenal presentara ao Congreso Pedagóxico de 1892 baixo o título ‘A educación da muller’. Será este xoves 30, ás 12:50 horas.
O día seguinte, será a Escola Politécnica Superior de Enxeñaría a que acollerá unha performance en homenaxe á autora.
