O Consello de Ministros deu luz verde este venres a catro acordos polos que destinará máis de 13 millóns de euros para melloras e arranxos en estradas nas provincias de Ourense e Lugo, tras ser declaradas obras de emerxencia.

En detalle, o Goberno central aproba outorgar seis millóns de euros para obras de reparación nos viadutos de Ruitelán e As Lamas, na autovía A-6, na provincia de Lugo.

Na provincia de Ourense faranse as obras correspondentes ao tres acordos restantes. O de maior cantidade, dotado con catro millóns de euros, servirá para a reparación do firme nas autovías A-52 e A-75, así como nas estradas N-525, N-532, N-536, N-540 e N-541 en diversos puntos quilométricos.