InicioMedioambiente e PatrimonioA praga de ratas xera case un millón e medio de perdas...

A praga de ratas xera case un millón e medio de perdas na montaña de Lugo

Unións Agrarias critica a "incompetencia e a incapacidade" do goberno da Xunta para dar resposta ao problema.

PUBLICADA O

- Advertisement -

A praga de ratas que sofren varias localidades da montaña de Lugo xerou xa preto dun millón e medio de perdas, segundo os datos que manexa o sindicato Unións Agrarias.

Así o trasladou Roberto García, secretario xeral da entidade en Galicia, que calculou en “máis de 300” os afectados, cunhas perdas de “700 euros por hectárea”, e “máis de 2.000 danadas”.

A praga comezou no Concello de Triascatela e estendeuse cara a Pedrafita e Samos, a pesar de que o sindicato xa viña alertando da situación desde a primavera.

García considerou que todo iso “pon de manifesto a incompetencia e a incapacidade do goberno da Xunta” para frear estes estragos. “Hai un importante grao de descoordinación e falta de vontade para resolver este problema, un problema ao que por certo non se lle deu importancia”, queixouse.

Mentres tanto, os danos nas explotacións “van en aumento” e “xa son irreversibles, porque van ter perdidas en forraxes porque non poden utilizar a herba desas leiras”.

“Isto pon en evidencia o abandono e incapacidade da Xunta de Galicia para facer fronte a un tema importante, e ademais non hai que inventar nada porque noutras zonas do Estado producíronse estas infestas pero tomáronse medidas”, insistiu.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...