- Advertisement -
A Once homenaxeará este sábado, día 21, a través do seu cupón, a Feira do Capón de Vilalba, que terá lugar o domingo. Así, a imaxe desta feira estará en cinco millóns e medio de cupóns que se repartiron por toda España.
A Once apoia así unha cita anual que ten unha “tradición antiquísima”, lembrou a entidade, precisando que as referencias á Feira do Capón na capital chairega remóntanse case dous séculos.
A Asociación de Criadores de Capón de Vilalba recoñece que este ano 2019 ten censados a máis de 50 produtores que crían ao redor de 1.600 exemplares, aínda que só sairán á poxa unha parte deles. A carpa da feira abrirase ao público o domingo día 22 ás 10,30 horas na Praza da Constitución.
