InicioLugo e contornaA Deputación de Lugo abre o proceso de adxudicación para a subministración...

A Deputación de Lugo abre o proceso de adxudicación para a subministración de emulsión asfáltica, por 786.000 euros

Doutra banda, referiuse á aprobación da adxudicación, subministración e instalación do material necesario para pór en marcha o programa 'Ilumina' de aforro enerxético.

PUBLICADA O

- Advertisement -

A Deputación de Lugo aprobou o procedemento de adxudicación e do prego de cláusulas administrativas para a contratación de subministración de emulsión asfáltica. O contrato terá unha duración “inicial dun ano pero coa posibilidade de prorrogalo outro máis”, no apartado do “parque móbil”. Así o avanzou a socialista Pilar García Porto, tras a xunta de goberno deste mércores.

Doutra banda, referiuse á aprobación da adxudicación, subministración e instalación do material necesario para pór en marcha o programa ‘Ilumina’ de aforro enerxético. Así, a previsión do Goberno provincial é que se van substituír preto de 3.200 puntos de luz nos 38 municipios voluntariamente adheridos e nos que a deputación “vai investir preto de 723.000 euros”.

“Esta tecnoloxía vai permitir un aforro conxunto de 62.000 euros por ano, cun aforro de consumo do 63 por cento. A previsión é que os traballos comecen no mes de xaneiro”, concretou. Pola súa banda, o portavoz nacionalista do bipartito provincial, Efrén Castro, adiantaba a aprobación da concesión das axudas da liña de concorrencia competitiva para actividades culturais, unha liña dotada con 283.000 euros.

En concreto, búscase dar cobertura a todo o tecido cultural e asociativo da provincia, distribuído en 332 entidades por toda a provincia. “Poderán levar a cabo diversas actividades culturais, como poden ser; magostos, entroidos, actividades infantís ou festivais”, debullou finalmente.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...