Axentes do Corpo Nacional de Policía (CNP) detiveron nunha hospedaría da cidade de Lugo a un mozo que estaba a ser buscado desde o pasado mes de setembro por roubar a caixa de caudais na Confraría do Carme.

Segundo informou a Comisaría Provincial, as investigacións realizadas no seu momento polos axentes encargados do caso permitiron a identificación do sospeitoso dese roubo no mes de setembro, pero até agora non fora localizado.

Para dar co paradoiro deste mozo, os axentes da Brigada de Seguridade Cidadá repasaron a lista de inquilinos das hospedarías da cidade e comprobaron que o sospeitoso estaba aloxado nun hostal.

Até alí desprazáronse membros da Policía Nacional, que procederon á súa detención e puxérono a disposición da autoridade xudicial, xunto coas dilixencias de investigación practicadas para esclarecer o citado roubo.