Dous mozos foron detidos este martes pola agresión perpetrada contra un profesor no IES Muralla Romana de Lugo. En concreto, un deles (disfrazado de pallaso) arroxoulle unha torta á cara ao docente mentres o outro gravaba os feitos, para despois subir o vídeo ás redes sociais.
Fontes da investigación confirmaron que os supostos autores, maiores de idade, non son alumnos do instituto e foron detidos a última hora da mañá tras poder identificar o rostro dun deles. O autor da agresión está á espera de pasar a disposición xudicial, mentres que o mozo que se encargou de gravalo quedará en liberdade.
Un youtuber de Lugo disfrazado de payaso entra en un instituto de la ciudad y propina un tartazo a un profesor para, después, subir a las redes el vídeo. @A3Noticias pic.twitter.com/M4mTnocRNk
— A3Galicia (@Antena3Galicia) October 15, 2019
Os feitos rexistráronse este mesmo luns, cando unha persoa disfrazada de pallaso se coou nunha aula do centro mentres se celebraba unha clase e propinoulle un tortazo ao docente diante dos alumnos. O autor, que estivo acompañado doutra persoa que se encargou de gravar os seus movementos, fuxiu ao momento de perpetrar a agresión, aínda que posteriormente colgou o vídeo na súa conta de redes sociais.
O caso foi denunciado ante a Policía Nacional. O autor conta cun perfil de Instagram no que colgaba diversos vídeos realizados na cidade de Lugo, algún deles a rostro descuberto, pero na maioría disfrazado.
A investigación policial arrincou á primeira hora da mañá e ambos os mozos, unha vez identificados, foron detidos horas despois.
