InicioSucesosDous detidos en Lugo por venta de marihuana nun alpendre ocupado

Dous detidos en Lugo por venta de marihuana nun alpendre ocupado

A Policía Nacional detivo a dous mozos por un delito contra a saúde pública por vender marihuana que cultivaban nun alpendre que ocuparon ilegalmente en Lugo

PUBLICADA O

- Advertisement -

Segundo informou a Policía Nacional de Lugo, no marco da ‘Operación Chamizo’, detiveron a dúas persoas de 24 e 36 anos de idade por un delito contra a saúde pública por cultivo e venda de marihuana, así como por defraudación de fluído eléctrico.

As pescudas iniciáronse no mes de abril deste ano cando “a ocupación ilegal dun alpendre por dúas persoas espertou o interese da Policía”, aseguraron as mesmas fontes, que engadiron que “aos poucos o local foi transformado e utilizado na plantación e cultivo de marihuana“.

Os detidos foron sorprendidos cando manipulaban a droga, 385 gramos de marihuana lista para a venda, recalcou a Policía. No rexistro practicados, tanto na vivenda na que residían (anexa ao alpendre), como no alpendre, atopáronse 230 plantas de marihuana en avanzado estado de floración, listas para a recolección, así como ferramentas para o cultivo e transformación da droga.

PAPEIS DIFERENTES

Ambos os individuos “tiñan diferentes papeis dentro de acto delituoso”, puntualiza a Policía, xa que un encargábase da distribución e captación de clientes e o outro do coidado e vixilancia da plantación.

O dispositivo levado a cabo polo Grupo de Drogas da Brigada Provincial de Policía Xudicial contou coa supervisión do Xulgado de Instrución número 1 de Lugo.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...