A Garda Civil imputou en calidade de investigado a un veciño de Guitiriz de 37 anos de idade por un suposto delito de estafa ao cambiar a etiqueta de prezo dunha hidrolimpadora pola doutra 800 euros máis barata.

Segundo informa a Benemérita, os feitos ocorreron o pasado mes de agosto nun centro comercial do municipio asturiano de Siero. Alí, o investigado cambiou a etiqueta dunha máquina dun valor real de 850 euros pola doutra valorada en 59.

A persoa investigada foi posta a disposición xudicial.

APROPIACIÓN INDEBIDA

Por outra banda, dúas persoas de nacionalidade romanesa foron imputadas por supostamente apropiarse indebidamente dos efectos persoais doutra coa que conviviran.

Os feitos ocorreron o pasado mes de decembro, informa a Garda Civil, nunha vivenda en Vilalba. A persoa denunciante abandonou a vivenda deixando parte das súas pertenzas no interior.

Unha vez quixo recuperar os aveños que deixara no domicilio, os imputados desapareceran. Ambos foron postos a disposición xudicial.