Lugo é a cuarta cidade de España cos prezos máis baixos á hora de compartir un aloxamento, segundo un informe anual do portal inmobiliario pisos.com. En concreto, o prezo medio é de 170,97 euros mensuais.
No ránking publicado pola páxina, Lugo atópase por detrás de Zamora (152,43€/mes), Badaxoz (165,15€/mes) e Ciudad Real (168,51€/mes).
A CORUÑA, ONDE MÁIS DEMANDA HAI
Pola súa banda, A Coruña sitúase como a novena provincia con maior concentración de inquilinos en busca dunha habitación nun piso compartido. Por diante sitúanse provincias como Madrid (22,14%), Barcelona (21,90%) ou Sevilla (7%).
A Coruña (1,47%) tamén irrompe na listaxe de capitais de provincia con máis demanda desta clase de vivendas, situándose no posto número 10, moi preto de cidades como Bilbao (1,69%) e Palma de Mallorca (1,70%).
