EFE. O xerente da área sanitaria de Lugo, A Mariña e Monforte de Lemos, Ramón Ares, informou de que o Sergas iniciou un cribado entre os traballadores de varios locais de hostalaría próximos á Praza Maior de Lugo, no centro do centro histórico da cidade, por mor dun “pequeno gromo” de Covid19 relacionado con algún deses establecementos.
Ares precisou que o persoal deses locais de hostalaría está a ser citados telefonicamente para que pasen as correspondentes probas PCR no CovidAuto instalado no Hospital Universitario Lucus Augusti (HULA). Precisou que, con esa medida, o que se pretende é “cortar canto antes” as posibles cadeas de transmisión e dar por acoutado ese brote.
En canto á situación da pandemia na área sanitaria, precisou que, á parte dese “pequeno gromo” rexistrado no centro de Lugo, tamén “preocupa” o que foi detectado en Chantada, aínda que confía en que, grazas ás probas que se están realizando, tamén se poida ir “acoutando” nos próximos días.
Neste momento, “aínda que a incidencia é máis alta que fai dúas ou tres semanas”, confirmou que a situación “é de estabilidade” na área sanitaria. A incidencia da pandemia móvese entre os “58 e os 60 casos por cada 100.000 habitantes na conxunto da área sanitaria”.
