A Federación de Traballadores de Seguridade Privada da Unión Sindical Obreiro de Galicia (FTSP-USO) estuda emprender accións legais contra o Servizo Galego de Saúde (Sergas) pola súa “complicidade” no “incumprimento” do contrato público de seguridade de varios centros en Lugo.
Segundo o sindicato, a empresa Salzillo Seguridade “non está a executar as condicións técnicas ofertadas” para os centros de xestión integrado de Lugo, Cervo e Monforte de Lemos.
Entre estas reivindicacións atópanse melloras para os edificios como cámaras e programas informáticos. Ademais, para os traballadores solicitan luvas anti recorte ou raquetas, entre outros.
A execución destes cambios suporía que os traballadores “verían máis e mellor atendidas tanto as súas obrigacións laborais así como “a calidade e comodidade do seu desenvolvemento”, indicou USO.
O sindicato asegurou que en dúas ocasións dirixiron escritos ao Sergas, a última “advertindo de accións legais” na que avisou de “incumprimentos graves” do contrato público por parte da empresa de seguridade. Por iso, avisa que de persistir esta situación, a institución sanitaria “podería ser igualmente acredora” e “merecedora” dunha sanción.
