A Deputación de Lugo colabora no voluntariado ambiental xunto con outros colectivos ecoloxistas na organización dunha actividade de recollida de residuos e dun taller didáctico de pegadas e rastros de basuraleza en contornas naturais como a Reserva da Biosfera Terras do Miño.

Esta actividade de sensibilización ambiental terá lugar no parque da Tolda de Lugo este xoves, das 16,00 ás 20,00 horas, da man da Asociación Corripa, dentro do Proxecto Libera de SÉ/BirdLife, en alianza con Ecoembes e do novo movemento cidadán Coidemos Lugo.

Para manter o protocolo de seguridade de prevención da covid-19, o número máximo de participantes limítase a 18 persoas, que disporán dun seguro de voluntariado e equipos de protección individual.