A Xunta de Galicia notifica este sábado un total de 163 casos activos de Covid-19 nos centros educativos da provincia de Lugo, o que supón unha baixa de cinco contaxios respecto do día anterior. Ademais, as clases pechadas pola pandemia estabilízanse en nove. 

Entre os colexios lucenses, o máis afectado é o IES Santiago Basanta Silva de Vilalba, que rexistra sete persoas con coronavirus, seguido do IES Ánxel Fole e o CEIP A Ponte, ambos en Lugo, con seis positivos cada un.

EN GALICIA

No conxunto de Galicia, as cifras actualizadas ás 18,00 horas do venres suman un total de 1.187 casos totais na comunidade educativa galega, o que implica unha continuación da tendencia á baixa nos casos activos da enfermidade. A pesar desta lixeira mellora, as clases pechadas por casos de coronavirus aumentaron en cinco, ata situarse nas 51 en toda Galicia