InicioTerra CháXermadeComeza a construción dunha depuradora ecolóxica en Xermade

Comeza a construción dunha depuradora ecolóxica en Xermade

Agárdase que empece a funcionar a finais deste ano

PUBLICADA O

- Advertisement -

Esta semana comezou a construción en Xermade dunha depuradora ecolóxica, que funciona ao aire libre e con plantas e que abastecerá unha ducia de vivendas. A previsión é que empece a funcionar a finais deste ano A instalación, con capacidade para filtrar 4.256 metros cúbicos ao día, ocupará ao redor de 100 metros cadrados.

Segundo destaca a Deputación de Lugo, que impulsa a obra xunto ao concello de Xermade, a infraestrutura mellorará o día a día de ata 25 veciños do barrio do Empalme, na parroquia de Cabreiros. Ata o momento, apunta, non contaban cun sistema de depuración de augas.

Así, a depuradora é froito dun convenio entre a Deputación e o municipio, que destinaron 46.000 euros para a súa construción. Este tipo de sistemas de tratamento funcionan ao aire libre e con plantas, cun custo de funcionamento inferior ao das depuradoras convencionais, o que a converte, resalta o organismo provincial, en “a opción máis vantaxosa” para núcleos de poboación pequenos.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...