InicioLugo e contornaA alcaldesa de Vilalba atribúe a "un accidente" o incendio na nave...

A alcaldesa de Vilalba atribúe a “un accidente” o incendio na nave de xamóns

A rexedora ratifica que os danos materiais foron "importantes" pero que, afortunadamente, non houbo que lamentar danos persoais.

PUBLICADA O

- Advertisement -

A alcaldesa de Vilalba, Elba Veleiro, descartou a intencionalidade e atribuíu a “un accidente” a orixe do incendio que este fin de semana calcinaba un terzo dunha nave de xamóns no municipio.

A propia rexedora ratificou que o lume quedou “declarado como extinto” na tarde do domingo e agora confía que “o máis axiña posible” se poida realizar a pertinente inspección para así “determinar o punto onde se iniciou” e que a empresa “poida recuperar, aínda que sexa parcialmente, a súa actividade nun breve período de tempo”.

Veleiro constatou que “os danos materiais foron importantes”, aínda que seguidamente congratulouse de que non houbese que lamentar “ningún dano persoal, nin leve nin grave”, neste episodio que obrigou á Xunta a activar o Plan Territorial de Emerxencias de Galicia (Platerga).

“Agora toca esperar que se poida pór en marcha o reinicio da actividade canto antes para estudar as necesidades da empresa e dos propios empregados”, subliñou.

En canto ás causas do incendio, a alcaldesa de Vilalba insistiu en que non foi intencionado e deslizou que se debeu “a unha desgraza, a algo accidental por acumulación de graxa e nalgunha área onde hai aparatos que puidesen producir algún tipo de contacto”.

+ posts

ÚLTIMAS

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...

Piden cinco anos de cárcere para unha moza por introducir droga no cárcere de Bonxe

A Audiencia Provincial de Lugo acolle este luns, 16 de novembro, unha vista preliminar...

Mercar no pequeno comercio de Lugo pode ter como premio un coche híbrido

Un coche híbrido é o premio que pode tocarlle a algún consumidor ou consumidora...

A Deputación de Lugo eleva o seu orzamento para 2027 ata os 155 millóns, case un 15 % máis que este ano

A Deputación de Lugo contará en 2027 cun orzamento de 155.241.120 euros, o máis...