InicioSociedadeO Sindicato Labrego critica a "desidia" de Vilalba ao non abrir os...

O Sindicato Labrego critica a “desidia” de Vilalba ao non abrir os mercados agrogandeiros

"Outros concellos da contorna, como Castro de Rei, si que fixeron os deberes e retomaron a feira a semana pasada", apuntan, en referencia a unha actividade que Medio Rural xa permite.

PUBLICADA O

- Advertisement -

O Sindicato Labrego Galego (SLG) denuncia a “desidia” do Concello de Vilalba, que “non fixo nada para reactivar” as feiras de produtos agrogandeiros malia que esta actividade xa está permitida dende o 4 de maio en Galicia. “Nin o mercado semanal dos martes nin o feirón da semana que vén, o 19 de maio“, critican.

A organización sindical di non ter constancia de que o goberno local se puxese en contacto coas labregas e labregos que venden habitualmente nestes mercados. “Outros concellos da contorna, como Castro de Rei, si que fixeron os deberes e reabriron a súa feira de alimentos a semana pasada”, exemplifican.

“Aínda sendo conscientes das restricións, dos estritos protocolos e de que a afluencia de xente será escasa os primeiros días”, dende o SLG consideran “moi importante” que estes mercados vaian recuperando a súa actividade para “normalizar” de novo a canle de comercialización. 

“Resulta desconcertante que unha capital rural como Vilalba, cuxa economía depende totalmente da actividade agrogandeira —con dúas feiras semanais, unha mensual e o feirón— estea a demostrar esta desidia”, insisten. O sindicato asegura que trasladaron unha instancia ao goberno para preguntar por esta cuestión, sen obter ningunha resposta.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...