InicioCulturaKepa Junkera será un dos reclamos do San Pedro en Muras

Kepa Junkera será un dos reclamos do San Pedro en Muras

O músico éuscaro amenizará o inicio dunhas festas con espazo para a gastronomía e a verbena – É o terceiro ano que a organización faise por concurso

PUBLICADA O

- Advertisement -

Ramón González Rey | Muras celebrará na vindeira fin de semana as súas festas patronais, na honra de San Pedro. A actuación do músico bilbaíno Kepa Junkera é un dos atractivos dun programa que inclúe tamén eventos gastronómicos e baile.

Os festexos arrincarán o venres 29 ás 21.00 horas, cunha sardiñada que será o preludio do concerto de Kepa Junkera, mestre da trikitixa -o acordeón diatónico orixinario de Euskadi- e gañador dun Grammy latino no 2004. Tralo recital, haberá verbena con Noche de Estrellas.

sábado 30O Garabato dos Trasnos encargarase do pasarrúas. Na xornada grande haberá misa solemne e sesión vermú co grupo D’Ases. Pola noite, Los Satélites e o Combo Dominicano porán ritmo á verbena.

O programa festivo completarase o domingo 1, con misa solemne e sesión vermú a cargo de D’Nika.

“Quixemos facer un cartel que gustase a todos os públicos”, expón o alcalde de Muras, o nacionalista Manuel Requeijo, que destaca que o orzamento -con IVE incluído- rondará os 32.000 euros. “É un prezo axustado. Os gobernos anteriores viñan gastando entre 80.000 e 90.000 euros e quixemos reducir iso. Penso que non temos nada que envexar a celebracións doutros municipios”, asegura.

 

ORGANIZACIÓN A CONCURSO

É o terceiro ano que o Concello saca a concurso a organización dos festexos. A empresa Diego Soto Espectáculos levou a adxudicación. É o remedio que propón o goberno local ante a ausencia dunha comisión veciñal que tome as rendas. “É unha mágoa porque trátase dunha festividade especial, que atrae moita xente ao municipio e na que tamén moitos murenses que traballan fóra volven á localidade. Animamos aos veciños a coller as festas, pero sabemos tamén que organizalas é complicado”, apunta.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...