Unha muller resultou ferida na mañá deste mércores en Castro de Ribeiras de Lea, no termo municipal chairego de Castro de Rei. Un particular deu aviso dun atropelo canda a carballeira na que se celebra a tradicional feira da parroquia.

Logo do aviso, a central do 112 reclamou a presenza dos servizos sanitarios, da Garda Civil de Tráfico e dos Bombeiros de Vilalba. O estado de saúde da persoa atendida non trascendeu.