InicioEconomíaComezan as obras no colexio Veleiro-Docampo de Castro de Rei

Comezan as obras no colexio Veleiro-Docampo de Castro de Rei

A Xunta mellorará a eficiencia enerxética nas instalacións do centro de ensino chairego – As obras non interferirán no novo curso

PUBLICADA O

- Advertisement -

As obras previstas no colexio Veleiro-Docampo de Castro de Rei comezarán de inmediato trala sinatura da acta formal. Deste xeito, a Consellería de Cultura, Educación e Ordenación Universitaria inicia a reforma deste centro de ensino de infantil e primaria (CEIP) sito na parroquia de Castro Ribeiras de Lea.

O delegado territorial da Xunta en Lugo, José Manuel Balseiro, participou este martes na sinatura da acta de replanteo preceptiva. As obras foron adxudicadas por 327.000 euros e a previsión é rematar antes da fin de setembro, se ben as instalacións estarán en condicións de ser empregadas de cara ao comezo do vindeiro curso escolar o día 12 dese mes.

No acto participaron tamén a subdirectora xeral de construcións e equipamento da Consellería, María Jesús López López; a xefa territorial en Lugo, Mariña Gueimunde; e o director do centro, Juan José Díaz Valiño, amais doutros responsables do colexio.

A actuación comprende intervir na fachada, as carpinterías e a iluminación interior, co obxectivo de acadar un aforro enerxético anual de arredor do 19 por cento.

Na fachada instalarase un sistema de illamento térmico polo exterior, acabado con revoco decorativo. Prevese igualmente a substitución das carpinterías exteriores por outras de aluminio con rotura de ponte térmica e vidros de dobre acristalamento, baixo emisivos, acústicos e de seguridade. Tamén se renovarán as persianas nas carpinterías substituídas e cambiaranse carpinterías interiores e outros elementos de albanelería.

Polo que respecta ás luminarias, renovaranse nas zonas de aulas e aseos utilizando lámpadas led con detectores de presenza e equipos de regulación multisensor, que acomodan gradualmente o fluxo das luminarias cando o nivel de iluminación debido á luz natural está por encima do valor seleccionado. Acompáñase da instalación dun novo falso teito con absorción acústica para a mellora do acondicionamento acústico das aulas.

Como actuacións complementarias no centro de ensino desta parroquia de Castro de Rei, cabe citar a reforma da instalación de fontanería e aparatos sanitarios, e a reparación e pintado de paramentos interiores en base ao estudo cromático elaborado polo Colexio de Arquitectos de Galicia (COAG).

Balseiro destacou que a Consellería realiza “unha dobre aposta, pola modernización das instalacións educativas e polo desenvolvemento sustentable, coa que consigue un beneficio claro para o centro, maior confort e menores custos de mantemento, e tamén un beneficio social ao reducir as  emisións contaminantes”.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...