InicioSociedadeAlumnos da USC realizarán prácticas na Granxa Experimental de Leite a partir...

Alumnos da USC realizarán prácticas na Granxa Experimental de Leite a partir do vindeiro curso

Estas instalacións, que forman parte da Granxa Gayoso Castro e que xa están case rematadas, pretenden favorecer o benestar animal, reducir custos e aumentar o valor do produto.

PUBLICADA O

- Advertisement -

O presidente da Deputación de Lugo, José Tomé, informou hoxe, tras a reunión da comisión de seguimento do convenio subscrito coa Universidade de Santiago de Compostela (USC), que a Granxa Experimental de Leite que está a construír a institución provincial en Castro de Ribeiras de Lea estará lista para que os alumnos realicen as primeiras prácticas o próximo curso.

Este centro, situado en terreos da Granxa Provincial Gayoso Castro, permitirá que os alumnos da Facultade de Veterinaria e da Escola Politécnica Superior do Campus de Lugo poidan realizar as súas prácticas universitarias nunha explotación gandeira real.

Tomé explicou que as obras entraron xa na recta final e agora mesmo a institución ten en fase de licitación, por un importe de 180.000 euros, a pavimentación da chaira de acceso ás instalacións da granxa, unha mellora incorporada polo goberno provincial ao proxecto inicial.

O presidente da Deputación, que visitou as instalacións acompañado pola vicerreitora de coordinación do campus de Lugo, Montserrat Valcárcel, afirmou que estas instalacións contribuirán a unha maior rendibilidade e sostibilidade das explotacións lucenses, ademais de colaborar a que “aumente o valor do produto, a reducir custos de produción e a favorecer o benestar animal”.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...