As estradas de titularidade municipal de Castro de Rei recibirán traballos de rehabilitación tanto no centro do concello coma nas parroquias circundantes. Logo do inverno e do desgaste continuado do firme, tres grandes actuacións permitirán mellorar a seguridade do tráfico e finalizar traballos iniciados con anterioridade.
A intervención consta de tres obras. A primeira partida, de 76.000 euros, servirá para rematar a estrada de Prevesos, con recursos do Plan Marco da Xunta de Galicia. Meirande será a segunda partida, para as parroquias de Duancos, Duarría e San Martiño, con 102.000 euros procedentes do Plan de Obras e Servizos da Deputación de Lugo. E a derradeira e meirande, de 176.000 euros, mellorará e ampliará a rúa Trapero Pardo.
