- Advertisement -
Como resultado do choque de dous vehículos, tres persoas resultaron feridas na estrada de Trobo, na parroquia de Begonte, en dirección Cospeito. A Atención de Emerxencias 112 recibiu aviso ás 10.00 horas e reclamou a presenza dos servizos sanitarios no lugar do suceso.
Tamén acudiron os bombeiros de Vilalba e o Grupo de Emerxencia Supramunicipal (GES) de Guitiriz ante a información de que había un ferido atrapado nun dos automóbiles.
Finalmente descartouse o emprego de material de excarceración, aínda que foi precisa a asistencia dos bombeiros para axudar á evacuación dunha das persoas afectadas, pois o vehículo bateu contra un muro e resultaba imposible abrir as portas.
