InicioEconomíaComeza a construción do parque eólico "de especial interese" da Pastoriza

Comeza a construción do parque eólico “de especial interese” da Pastoriza

Naturgy investirá 43 millóns de euros no parque eólico da Pastoriza-Rodeiro, con capacidade para abastecer 60.000 fogares

PUBLICADA O

- Advertisement -

O proxecto de Naturgy na Pastoriza-Rodeiro colle forma co inicio da instalación dos catorce aeroxeradores que conformarán o parque eólico, declarado de especial interese pola Xunta de Galicia. Asociado á última subasta do Goberno, o complexo producirá o equivalente anual do conxumo de 60.000 fogares.

O parque eólico da Pastoriza-Rodeiro forma parte dun conxunto que aproveita as facilidades da criticada Lei de Implantación Empresarial, e que incrementará o número de instalacións desta clase en Galicia ata case duascentas. Neste caso, suporá un investimento de 43 millóns de euros para unha potencia total de 48,5 MW.

Os traballos xa iniciados comprenden o trazado da cimentación, instalacións auxiliares, desbroce e acondicionamento dos camiños de acceso, así como a implantación de medidas de vixilancia arqueolóxica e medioambiental. “O parque eólico instalarase nunha zona rural, dando novo uso ao territorio perfectamente compatible co agro e a gandería”, declarou María Landeira, responsable de desenvolvemento de Naturgy en Galicia.

Nas distintas fases de construción, Pastoriza-Rodeiro xerará 340 postos de traballo. Durante a mesma, realizarase un seguimento continuo do cumprimento da Declaración de Impacto Ambiental en canto a vexetación, fauna, atmosfera, hidroloxía, e bens patrimoniais. As superficies afectadas serán revexetadas, e realizarase un seguimento medioambiental periódico durante a vida do parque eólico.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...