Un ciclista faleceu na tarde deste luns no municipio lugués da Pastoriza ao ser arroiado por unha furgoneta, segundo informou o CIAE 112 Galicia.
O sinistro tivo lugar minutos antes das 17,00 horas no punto quilométrico 9 da estrada LU-112, onde a furgoneta impactou contra o ciclista.
Os efectivos mobilizados por Urxencias Sanitarias despois de que un particular dese a voz de alarma á central do 112 só puideron confirmar a morte do ciclista.
