InicioEconomíaA Deputación arranxa un importante vial para a gandería da Pastoriza

A Deputación arranxa un importante vial para a gandería da Pastoriza

O presidente da Deputación e o alcalde da Pastoriza supervisaron a primeira fase de reparación dun treito que soporta tráfico pesado

PUBLICADA O

- Advertisement -

A Deputación de Lugo ultima a primeira fase de mellora do vial entre Marco de Álvare e Caínzos, na Pastoriza. Estas obras contan cun investimento de 80.000 euros para o acondicionamento entre os quilómetros 0 e 2 da LU-044-060, treito que visitaron o presidente do ente provincial, Darío Campos, e mailo rexedor local, Primitivo Iglesias. O reforzo da estrada obedece ao tráfico de maquinaria pesada por mor das explotacións gandeiras da contorna.

Concretamente, o treito en reparación vencella as estradas LU-P-5501 e LU-P-4404. As melloras consisten no aglomerado en quente e o incremento da sinalización. A vía soporta a maior carga de transporte pesado do Concello, pois hai 25 explotacións gandeiras con máis de 2.500 cabezas de gando. Os traballos executaranse nestes días.

O presidente da Deputación recalcou que o acondicionamento da estrada resposta á demanda veciñal. A medida aspira non só ao arranxo da infraestrutura deteriorada, tamén a facilitar a fixación de poboación no rural lucense, en especial en Álvare, un núcleo de poboación caracterizado pola actividade gandeira.

Pola súa banda, o alcalde da Pastoriza agradeceu o investimento realizado pola institución provincial, e avanzou que a derradeira fase de rehabilitación recorrerá á liña de financiamento do Plan Único da Deputación 2018. “Serán preto de 45.000 euros os que se investiran para rematar esta estrada desde O Fontao [parroquia de Álvare] aos Caínzos [parroquia da Aguarda], dando por finalizado o acondicionamento deste vial”.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...