InicioMedioambiente e PatrimonioNovas actuacións consolidarán os recentes achádegos no Castro de Viladonga

Novas actuacións consolidarán os recentes achádegos no Castro de Viladonga

A Consellería de Cultura segue a recomendación dos responsables da excavación no Castro de Viladonga e comprométese a novas actuacións en meses vindeiros

PUBLICADA O

- Advertisement -

A Consellería de Cultura e Turismo consolidará en futuras actuacións o torreón, a escaleira e o alxibe descubertos no Castro de Viladonga, no termo municipal de Castro de Rei. O departamento autonómico segue así o criterio dos responsables da excavación e a dirección do Museo, conscientes de que estes achádegos obrigan a seguir investigando para reinterpretar a verdadeira dimensión do xacemento.

O depósito de auga e a sofistificación do sistema defensivo son probas da importancia de Viladonga antes da presenza de Roma. Os achados son produto da casualidade, dos derrubamentos acontecidos durante a última campaña de reescavación e perfilado. Estes traballos contaban cun investimento de 200.000 euros; aliás, o delegado territorial José Manuel Balseiro confirmou que haberá que “escavar alén do previsto, e condicionará as intervencións dos vindeiros meses”.

As actuacións no asentamento castrexo afectaron a 1.250 metros cadrados no sector nordeste do Castro de Viladonga, dos cales 100 foron de nova escavación, e o resto actuacións sobre estruturas arqueolóxicas exploradas nos anos setenta e oitenta, para garantir a súa conservación. Ademais, os traballos permiten un percorrido máis accesible para os visitantes e apreciar con claridade a muralla e o foso.

Así, seguirán novas intervencións en liña coa campaña arqueolóxica vixente, pechando a secuencia iniciada en 2016, cando foron consignados outros 200.000 euros para asentar o conxunto e corrixir as eivas detectadas no estudo de diagnose.

A directora do museo do Castro de Viladonga: “Obras deste tipo nada tiñan que envexar ao mundo romano”

ÚLTIMAS

O BNG denuncia a falta de pediatra no centro de saúde de Becerreá e a Xunta di que a praza estará cuberta en xullo

A deputada do BNG Olalla Rodil mantivo un encontro con veciños do municipio lucense de Becerreá para valorar...

A ausencia de tres deputados do PSdeG díscolos con Tomé fan que perda votacións no pleno provincial de Lugo

O PSdeG perdeu votacións no pleno da Deputación de Lugo celebrado na mañá deste...

Detido en Lugo tras ameazar cun coitelo a varios menores

Axentes da Policía Local de Lugo detiveron nas últimas horas a un home, investigado por...

Unha colisión frontal en Láncara deixa varias persoas feridas

Unha colisión frontal entre dous vehículos deixou varias persoas feridas leves en Láncara durante...