InicioMemoria HistóricaO Pazo de San Marcos acollerá unha xornada sobre a represión ás...

O Pazo de San Marcos acollerá unha xornada sobre a represión ás mulleres durante o franquismo

O encontro forma parte do ciclo Lugo con Memoria que levan a cabo a Fundación Luis Tilve e a Deputación de Lugo, e terá lugar ás 19:30 horas no salón de actos da institución

PUBLICADA O

- Advertisement -

 

O Pazo de San Marcos acollerá mañá, xoves 29 de outubro, ás 19:30 horas, a xornada A represión das mulleres. O Patronato de Protección a la Mujer, unha iniciativa da Deputación de Lugo e a Fundación Luis Tilve para afondar nun dos mecanismos de control social e moral exercidos sobre as mulleres durante o franquismo.

O Patronato de Protección a la Mujer, activo ata 1985, actuaba baixo unha suposta finalidade de protección e reeducación, pero sometía numerosas mulleres e mozas a un férreo control sobre a súa conduta e a súa vida persoal. A xornada permitirá coñecer mellor o funcionamento desta institución, recuperar as experiencias das afectadas e analizar as dificultades que persisten para documentar os abusos e avanzar no recoñecemento e na reparación das vítimas.

A xornada contará coa participación de tres especialistas en memoria histórica e feminismo. Montse Fajardo Pérez, xornalista e escritora, é autora do libro Caídas: achegamento ao Patronato de Protección a la Mujer en Galicia. Tamén intervirá Tamara López Fernández, investigadora posdoutoral da Universidade de Santiago de Compostela e integrante do grupo de investigación Histagra. Pola súa banda, Silvia Fernández Quinteiro, avogada e investigadora sobre o Patronato, abordará os avances no recoñecemento xurídico das vítimas e afondará no caso de Eva García de la Torre, exalcaldesa socialista do Porriño, recoñecida como vítima da represión exercida por este organismo franquista.

A deputada de Réxime Interior, Promoción do Territorio e Turismo, Pilar García Porto, será a encargada de abrir o encontro xunto a Guillerme Pérez Agulla, director da Fundación Luis Tilve, que tamén moderará o debate.

A xornada enmárcase no programa Lugo con Memoria, impulsado para divulgar episodios e figuras relevantes da historia local e nacional a través de conferencias, mesas redondas e actividades culturais. O ciclo abriu a pasada semana coa conferencia da historiadora Ana Martínez Rus, da Universidade Complutense de Madrid, con motivo da presentación do libro Manuel Cordero y el voto femenino.

+ posts

ÚLTIMAS

A Deputación de Lugo eleva o seu orzamento para 2027 ata os 155 millóns, case un 15 % máis que este ano

A Deputación de Lugo contará en 2027 cun orzamento de 155.241.120 euros, o máis...

Pontón e Rodil inician a campaña en Lugo pedindo “salarios e pensións dignos para poder chegar a fin de mes”

A portavoz nacional do BNG, Ana Pontón, elixiu Lugo para iniciar a campaña electoral...

Besteiro critica os “millóns dilapidados” por Feijóo en Lugo en “proxectos fracasados”, como o de Rozas

O secretario xeral do PSdeG, José Ramón Gómez Besteiro, asegurou que a historia recente...

Un xulgado de Lugo exime preventivamente a un otorrino de 60 anos de facer gardas médicas por razón da súa idade

O xulgado de instancia de Lugo, praza 1 da sección do contencioso-administrativo, acordou eximir...