Sindicato Labrego Galego e outras organizacións sociais presentaron un recurso potestativo de reposición contra a resolución que dá autorización á mina de feldespato en Muras (Lugo).
En concreto, segundo informa este sindicato a través dun comunicado de prensa, recorren a autorización da actualización do proxecto de explotación e plan de restauración da concesión de explotación de recursos.
Fano por infracción normativa e o que consideran “nulidade de pleno dereito” como pola consideración que xa trasladaron no seu momento a través das alegacións ao proxecto, referidas a a “afección directa á poboación e ecosistemas”.
Esta explotación mineira ao descuberto prevé a súa localización, segundo lembra, “a escasos metros da Rede Natura 2000 ZEC e ZEPVN ‘Serra do Xistral’, sobre zonas protexidas de augas potables que se solapan coa Rede Natura 2000 e sobre masas soterradas de auga tamén solapadas coa Rede Natura 2000”.
Advirte tamén da “severa afección aos recursos hídricos e ao val fluvial do río Landro”, con afección “crítica” á “conectividade ecolóxica”, así como a afección “severa” a especies de fauna e flora catolagadas como vulnerables e en perigo de extinción e a afección grave á Reserva da Biosfera ‘Terras do Miño’.
