A Xunta de Galicia anunciou a través dun comunicado que levantará a prohibición de plantar pataca en nove concellos das provincias da Coruña e Lugo afectados pola couza guatemalteca. A medida vén de acordarse na comisión de seguimento desta doenza e farase efectiva unha vez saia publicada no Diario Oficial de Galicia (DOG).
O levantamento da prohibición de plantar pataca beneficiará os agricultores dos concellos coruñeses de Cariño, Ortigueira e Neda, así como os dos municipios lucenses da, A Pastoriza, A Pontenova, Riotorto, Ribadeo e O Valadouro. Ao non teren rexistrado ningunha captura nos dous últimos anos, estas localidades deixarán de ser consideradas zonas infestadas pola couza e pasarán a englobarse na demarcada como zona tampón.
A comezos de ano xa se levantara a prohibición de plantar pataca en varios concellos, entre eles Ourol e Abadín. Podes ler a información completa no Xornal da Mariña.
