Dúas persoas tiveron que ser trasladas polos servizos sanitarios tras producirse unha colisión frontal entre unha furgoneta e un turismo no municipio lucense de Vilalba.
Segundo fontes do 112 Galicia consultadas por Europa Press, o sinistro produciuse este domingo sobre as 19.30 horas no quilómetro 6,14 da estrada N-634, á altura de Martiñán. Ata o lugar desprazáronse efectivos dos Bombeiros de Vilalba, da Garda Civil de Tráfico, de Protección Civil e da Policía Local, así como persoal do servizo de mantemento de estradas.
Ademais, o Servizo de Urxencias Sanitarias de Galicia-061 trasladou ao Hospital Universitario Lucus Augusti (HULA) ás dúas persoas que viaxaban na furgoneta sinistrada, mentres que o ocupante do vehículo resultou ferido leve.
