Tres persoas resultaron feridas tras saírse da vía no vehículo no que viaxaban no Saviñao. Foron trasladadas en ambulancia ao Hospital de Monforte.
Segundo informou o 112, o único vehículo implicado neste accidente, rexistrado pasadas as 16.30 horas, saíuse da vía cando circulaba pola estrada que conduce de Escairón a Ferreira de Pantón.
O particular que chamou ao 112 Galicia explicou que as persoas estaban liberadas e accesibles, pero necesitaban asistencia sanitaria.
Neste operativo participaron Urxencias Sanitarias de Galicia-061, a Garda Civil de Tráfico e os voluntarios de Protección Civil do Saviñao.
