A Policía Nacional detivo en Lugo a un home e a unha muller por cometer dous roubos con violencia “co mesmo modus operandi” no que asaltaban en plena rúa, en zonas pouco iluminadas, a persoas vulnerables.
Segundo informa a Policía nun comunicado, en ambos os casos estes individuos seguiron o mesmo plan: primeiro achegábase a muller ás vítimas, facendo de “gancho”; tras o cal aparecía o home e asaltaba violentamente aos prexudicados para subtraerlles os efectos persoais.Os delitos “cometíanse mediante un plan preconcibido entre os agora detidos”, no que aproveitaban zonas de pouca iluminación e tránsito de persoas.
No caso da primeira vítima, presentaba unha diversidade funcional, e no da segunda, os presuntos autores observaron un estado de embriaguez na mesma que aproveitaron. As vítimas tiveron que acudir aos servizos médicos para ser asistidas das múltiples feridas que presentaban. Axentes de Policía Nacional da Comisaría Provincial de Lugo detiveron aos presuntos autores para ser postos a disposición do xulgado.
