Un home faleceu tras atragoarse cando se atopaba comendo nun restaurante do municipio lucense de Vilalba. Segundo a información do 112 Galicia, os feitos producíronse sobre as 14.30 horas deste domingo nun establecemento hostaleiro da rúa Galicia. Ata o punto desprazouse o helicóptero medicalizado que tomou terra, pero non chegou a trasladar ao home. No operativo tamén participaron os axentes da Garda Civil e Protección Civil de Vilalba.