- Advertisement -
O servizo de emerxencias do 112 Galicia informou de que en Cervantes localizouse o corpo sen vida dun veciño xunto ao seu tractor. Foi pasadas as 21.00 horas cando o 112 Galicia recibiu un aviso dos voluntarios de Protección Civil de Cervantes sobre a suposta desaparición dun veciño que fora a unha leira a traballar co tractor.
Os voluntarios localizaron ao home falecido á beira do seu tractor e para acudir ata o punto, ademais de profesionais de Urxencias Sanitarias de Galicia-061, foron mobilizados axentes da Garda Civil. As causas do suceso están pendentes de ser esclarecidas, aínda que as primeiras observacións non apuntaban a un accidente co vehículo, senón máis ben a unha indisposición ou unha caída.
