- Advertisement -
Un home maior foi golpeado brutalmente no parque Rosalía de Castro de Lugo por dous mozos despois dun altercado con dúas mozas coas que contactara na estación de autobuses. Os feitos tiveron lugar á primeira hora da tarde deste luns, cando os tres acudiron xuntos desde a estación ao parque, onde tiveron unha discusión por diñeiro. Foi nese momento cando dous mozos que se atopaban alí esperando golpeárono en numerosas ocasións ata deixalo ferido.
O home chegou ata a cafetaría do parque onde lle auxiliaron os que alí estaban, que foron tamén os que chamaron a unha ambulancia e á Policía Nacional, que está a investigar os feitos, axudado pola denuncia que presentou o afectado, que mantén que o grupo de mozos tiña intención de roubarlle.
