InicioSucesosDetido en Friol por entrar pola forza na casa dun coñecido, romper...

Detido en Friol por entrar pola forza na casa dun coñecido, romper mobles e aveños e ameazalo de morte

Por outra banda, a Garda Civil detivo en Chantada a un home de 35 anos como suposto autor de dous delitos de roubo con forza nas cousas e un delito de furto de uso de vehículo.

PUBLICADA O

- Advertisement -

Garda Civil detivo na localidade lucense de Friol a un home de 28 anos que entrou á forza na vivenda dun coñecido e rompeulle mobles e aveños á vez que o ameazaba de morte. Os feitos sucederon sobre as 19.00 horas deste luns, cando a persoa detida, tras fracturar a porta de acceso ao portal dun edificio e posteriormente a dunha das vivendas, accedeu ao interior do domicilio da vítima, rompendo mobles e elementos de decoración, mentres profería ameazas de morte a un dos ocupantes da vivenda, supostamente por desavinzas no ámbito laboral. A persoa detida e as dilixencias policiais foron postas a disposición xudicial ao longo da mañá deste martes.

Por outra banda, a Garda Civil detivo en Chantada a un home de 35 anos como suposto autor de dous delitos de roubo con forza nas cousas e un delito de furto de uso de vehículo. O presunto autor accedeu ao interior dun establecemento comercial situado neste municipio e, tras forzar cunha especie de ganzúa unha das máquinas, apropiouse de 100 euros fraccionados en billetes e moedas. Ademais, impútaselle outro delito de roubo nun local de hostalaría, onde se apropiou de numerosas botellas de bebidas alcohólicas, a recadación da caixa rexistradora e unha televisión de grandes dimensións. Así mesmo, impútaselle unha subtracción dun turismo estacionado nas inmediacións dun establecemento hoteleiro.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...