Unha moza de 20 anos foi detida por cortar na cara a un home cunha rasuradora de cellas na cidade de Lugo. Segundo informa a Policía Local de Lugo nun comunicado, na madrugada do pasado domingo localizaron na estación de autobuses a un home cun corte profundo na cara que asegurou que mediara nunha discusión entre un amigo e outra coñecida, quen sen mediar palabra sacou un obxecto de pequenas dimensións co que lle causou cortes. Requiriuse a presenza dunha ambulancia.
A muller foi localizada nun establecemento nocturno e procedeuse á súa detención. A moza declarou que discutira con dous homes que foi agredida, polo que tivo que defenderse. Durante o cacheo llo atopou unha resuradora de cellas, cun pequeno mango e unha coitela no extremo, que foi supostamente co que causou os cortes ao home.
Foi trasladada a un centro sanitario e despois a dependencias policiais para a instrución de dilixencias por un delito de lesións. Tamén se identificou ao resto de implicados. Por outra banda, na madrugada do luns foi identificada un individuo violento por unha agresión a un home que sufriu unha luxación de ombro.
