Os bombeiros de Vilalba deron por controlado o incendio que comezaba na mañá deste venres nunha palleira de grandes dimensións dunha explotación gandeira en Guitiriz. Mentres tanto, segundo informa o 112 Galicia, á primeira hora da tarde continuaban as tarefas para retirar os rolos do interior das instalacións cunha pa mecánica.
Era un particular quen alertaba á central de emerxencias, dez minutos antes das 10.00 horas, de que ardía unha palleira de grandes dimensións no lugar de Rego Pequeno, en Vos Vilares.
De inmediato, o 112 solicitou a acción dos bombeiros de Vilalba, dos do GES de Friol-Pas e de Curtis, da Garda Civil, da Policía Local e de Protección Civil de Guitiriz.
Tamén colaboran no operativo o persoal do distrito forestal da zona, da Consellería de Medio Rural, e o propio Concello, que facilitou unha das pas mecánicas.
