Un traballador social do Concello de Lugo atópase actualmente investigado como presunto autor dun delito de abuso contra varias usuarias dos servizos municipais. Así o confirmaron este xoves a Europa Press fontes próximas ao caso, que se atopa en mans do Xulgado tras serlle transferida por parte da Fiscalía toda a información relacionada con estes supostos comportamentos delituosos.

Tras ter coñecemento da situación a través das queixas manifestadas por varias usuarias dos servizos sociais atendidas polo investigado, o Concello decidiu abrir un expediente disciplinario ao traballador. Unha das medidas adoptadas coa apertura do devandito expediente foi apartalo de maneira inmediata da atención ao público, unha decisión executada con celeridade tras a que o home solicitou unha baixa laboral.

O caso atópase agora en mans do Xulgado, que deberá investigar a responsabilidade do traballador social municipal en relación ás denuncias de abuso de carácter sexual formuladas por varias mulleres na súa contra.