- Advertisement -
Un camión cisterna que transportaba leite chocou contra un coche e envorcou en Abadín. O sinistro saldouse cunha persoa ferida e provocou a interrupción do tráfico no quilómetro 22 da LU-113, en Moncelos.
Foi preto das 17,10 horas cando unha chamada do persoal de Urxencias Sanitarias de Galicia-061 alertou ao 112 Galicia do sinistro: un turismo chocara contra un camión cisterna, que terminou envorcado no medio da vía.
Pouco despois, un particular tamén chamaba, engadindo que a cisterna estaba vertiendo parte do seu contido sobre o asfalto, e que un dos implicados necesitaba asistencia sanitaria.
Desde o 112 Galicia activouse un operativo para o que se solicitou a participación da Garda Civil de Tráfico e dos servizos de mantemento da estrada.
