- Advertisement -
Unha trintena de persoas entre persoal das forzas de seguridade e voluntarios, así como veciños, conforman o dispositivo que reactivou este mércores a procura dun veciño de Abadín.
Trátase dun home de máis de 80 anos de idade, de tez clara, ollos azuis e lentes que, previsiblemente, perdeuse na zona de Quende, en Abadín. A procura reiniciouse no camiño que vai a Mondoñedo e, de feito, participan efectivos de Protección Civil desta localidade.
Os familiares non teñen coñecemento do paradoiro de Enrique Bolívar Díaz Pardo desde a última hora do domingo e previsiblemente perdeuse o luns.
Entre os efectivos, participan a Garda Civil –que coordina o dispositivo–, Protección Civil de Vilalba e Mondoñedo, drones da Axega e cans especialistas.
