O 112 Galicia recibiu na noite do xoves outra alerta de incendio, neste caso nunha casa abandonada en Lugo.
Segundo os servizos de emerxencias, o lume afectaba a unha casa unifamiliar abandonada, situada na rúa de San Lourenzo, na cidade de Lugo e que, indicaron os Bombeiros, xa ardera noutras ocasións.
Tras finalizar a súa intervención, os Bombeiros indicaron que, nesta ocasión, o lume iniciouse no primeiro piso, que ardeu por completo, e pasara á segunda planta, na que se viron afectadas as vigas de madeira do, teito polo que tiveron que proceder a retirar as tellas.
