Dúas persoas resultaron feridas nun accidente en Abadín, segundo informa o 112 Galicia que explica que se tratou dunha saída de vía dun coche que finalizou envorcado cando circulaba pola LU-113, punto quilométrico 25, á altura da Igrexa de Corvite.
A Garda Civil de Tráfico comunicaba ao 112, a esa hora, que recibiran a chamada dun particular informándolles deste accidente.
En concreto indicaban que no turismo viaxaban dúas persoas maiores e que, aínda que non estaban atrapados no interior do vehículo, si precisaban asistencia sanitaria.
Desde o 112 Galicia informouse o Servizo de Urxencias Sanitarias de Galicia-061 e aos Bombeiros de Vilalba. Así mesmo, foron informados o persoal do servizo de mantemento da vía, por se fose precisa a súa intervención.
