InicioSucesosGuitiriz emite un bando no que pide non consumir auga da traída...

Guitiriz emite un bando no que pide non consumir auga da traída municipal

O Concello de Guitiriz recomenda non empregar a auga distribuída para consumo humano mentres non instala un filtro para eliminar o alto contido en ferro

PUBLICADA O

- Advertisement -

A veciñanza de Guitiriz deberá evitar consumir auga da traída municipal polo alto contido en ferro. A recomendación parte do Concello, que detectou nas análises de laboratorio unha concentración excesiva na distribución, de 1700 microgramos por litro. Así consta no bando asinado pola alcaldesa, Regina Polín, onde se explica que o goberno local instalará de urxencia filtros nos depósitos.

A medida foi adoptada despois de examinar todas as opcións dispoñibles e co asesoramento de empresas especializadas. A urxente posta en marcha dos desferrizadores levará, segundo a estimación do Concello, vinte días. Durante ese tempo pídese aos habitantes de Guitiriz non empregar a auga para consumo humano.

Asemade, o executivo da vila chairega solicitará axuda técnica a outros organismos públicos, entre eles a Confederación Hidrográfica Miño-Sil, Augas de Galicia e a Consellería de Medio Ambiente e Territorio, para así achar a solución definitiva para a alta concentración de ferro.

A priori, o Concello intentará recuperar a tubería que conecta directamente os depósitos coa auga dos mananciais da Serra do Cordal de Montouto, e que evita o pantano.

ÚLTIMAS

O PP esixe ao Goberno que a provincia de Lugo estea no mapa das infraestruturas ferroviarias

O senador por Lugo e coordinador xeral do Partido Popular provincial, José Manuel Balseiro,...

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...